MLA Er. H. Ginzalala'n Hnahlanah Bee Keeping Awareness Program hmanpui

Champhai North bialtu MLA Er. H. Ginzalala chuan vawiin khan Hnahlan YMA Hall-ah Khadi and Village Industries Commission-in Honey Mission hnuaia a buatsaih Bee Keeping Awareness Program a hmanpui. He hun hi Jt. YMA, Hnahlan Information Office-a hman a ni.

MLA Er. H. Ginzalala chuan khuai khawi hi thil hlawk thlak a ni chho tan tih sawiin Hnahlan mite heng intundinna tha hi ngaihven turin a sawm a, he training program hi an hlawkpui ngei nan duhsakna a hlan bawk.

He hunah hian Director Dr. Vineet Chaturvedi a tel a, Hnahlana khuai khawi te leh khawi duh tur te thahnem tak an tel a ni.

MLA Er. H. Ginzalala hian Hnahlan tlawmngai pawl leh VC te nen inkawmna hun a hmang bawk a, Farlui zau khuah theih dan tur te, Hnahlan leh Lailiphai kawng siam dan tur te, thei leh thlai hlawk zawka hralh leh hman theih dan tur te an sawi ho. MLA chuan Hnahlan hmasawn nan horticulture a pawimawh hle thu sawiin theihtawpin hma an sawn zel nan tan lak a tum thu a sawi a ni.

Thu lakna: DIPR