Hnahlan sah hmasak:
Dothiauva fapa Kaihranga chu Chhawrtui ram Bunghmunah khuan a awm a. A pa nau Lalburha chuan, “ Kan lalna tlang hi kan tawt ta em a, nang khawchhak ram lamah khian khawthar han sat rawh le?” a ti a. Kaihranga chu Bunghmun atangin Murlen ram Saikhabe hmun (Hmunpui) an tiah kum hnih vel ain bawk phawt a. Kum 1897 velah chuan Kaihranga chuan a fapa upa ber Saithuama naupangte (1894 apiangin 1897 chuan kum 4 vel a nih chu) a changa puak leh kaihfawmin, a nu Romangpuii (Dothiauva nupui) leh khua leh tui mitlemte nen Hnahlan khua chu an sat ta a ni.
Harsatna leh rokhawlhna ṭhenkhat avangin Hnahlan khua chu chhuahsan a lo ṭul ta a. Hnahlan khua an chhuahsan dawn chuan thingserh an sat a. ‘A pem chhuak lo lo chu’ tiin thutiamna an nei hlawm a. (He thutiam an neihna chhan chu a pem chhuak loten Hnahlan tlang an thut zui zel loh nan a ni awm e!) Sazangthal an dawt a, Hnahlan khaw sat hmasatute chu an pem darh zo ta a ni.
Hnahlan khaw sah hmasak 1897 atanga an darh leh 1908 chhung chu kum 11 vel Hnahlanah an awm tihna a nih chu. Hnahlan atanga an darh hnu chuan a ṭhen Lungphunlianah leh hmundang dangah an pem darh a. Romangpuii leh Saithuama hote chu Murlen ram Lungpui zawlah kum 1908-ah khan an chhuk thla a, Lungpui zawl chu Murlen atanga 3 Kms vela hla Aiduzawl nena an in kar kawng thlang lamah a awm. Tichuan, Hnahlan chu tumah awm lovin a ruak ta a ni.
Hnahlan sah hnuhnun:
Lungpuizawlah hian kum 6 vel an awm a, hetah hian Pi Romangpuii a a thi a, chumi hnu chuan Tlura hmunah kum 7 vel an awm leh a ni awm e. Tlurhahmunah hian French ram kal haw 1919 leh Influenza hripui 1919-ah an tuar. Hetihlai hian Lungfaiah sawn Lal Saithuama khawper angin awmtawk an awm bawk a. Lal Saithuama aiawh a lal upa awm chu Bawktea (Pu Laltura pu a ni a, a hmingtak chu Thatkunga) Kum 1920 velah chuan Tlurahmun atangin Lungfaiah lal Saithuamaho chuan a khawper fin turin an chho leh ta a, kum 1922-ah Zangtedamah (Bualbawk an ti bawk) an inbawk leh ta a, Chutichuan, Hnahlan chu Kum 1923-ah an lut leh ta a ni. Hei hi mei mit loa a din tan kum a ni ta a ni.
Source: C Ramparmawia
Khaw hming putchhan:
Hnahlan khuaah hian Hnahkal ho chu an awm hmasa a. Chumi hnuah chuan Vanhnuailiana fapa Doțhiaua, chumi fapa leh Saițhuama chu a rawn awm leh a. 'Hnahkal ho kan lan e' an tih avangin Hnahlan alo nita a ni. Saițhuama dawtah hian Vanlalnghina chu a lal leh a. A ni hi Hnahlan lal hnuhnung ber a nita a ni.
A. Geographical Coordinates - 23° 41' 0" North, 93° 23' 0" East, Champhai District; Champhai North Constituency-a awm a ni. Aizawl atangin 247 Kms-a hla a ni.
AW. Veng pasarih a awm a. Chungte chu:
i. Mualveng,
ii. Damveng,
iii. Tlangnuam,
iv. Ramthar,
v. Vengthlang,
vi. Darnam,
vii. Saron Veng (Tlangnuam Venga bet a ni)
B. Young Mizo Association hi Branch 2-ah inthen a ni a: Hmar Veng Branch YMA leh Chhim Veng Branch YMA. Mizo Hmeichhe Insuihkhawm Pawl pawh North Branch leh South Branch-ah inthen a ni,
CH. Zirna In hi engemawzat a awm a. Chungte chu:
1. Hnahlan Higher Secondary School
2. Govt. Hnahlan High School
3. Govt. Hnahlan Middle School
4. Hnahlan English Medium School
5. Presbyterian English School
6.
7.
D. Sawrkar Department rang hrang awmte:
1. Health & Family Welfare Dept (Hnahlan Primary Health Centre)
2. AH & Vety (Hnahlan Vety Dispensary)
3. Forest & Climate Change (Hnahlan Forest Range)
4. Power and Electrict (32 KV Sub Station)
5. Public Health Engineering
6. Food, Civil Supply & Consumer Affairs
7. Tourism (Tourist Lodge)
9.
10.
E. Kohhran (Denomination) hrang hrangte:
1. Presbyterian Church of India
2. Salvation Army
3. Seventh Day
4. Roman Catholic
5. United Penticostal Church (NEI)
6. United Penticostal Church (MZ)
7. Assembly of God
8.
9.
F.