VANAPA HLA
By Zoramtharmawia (Zawra Ralte)
1. Mi hrang huaisen sakhming chul lo,
Leng tin chhinga Zoram thantu Thangzachhinga;
Zaiin kan awi dawn e Zofa hrai hi,
Huaisen, tlawmngai, zaidam vangkhaw muantu.
Cho//: Nghilh zai rel lo'ng u Zofa lengte'n,
Zawhzazopa zalna Tuiṭhoh lui kam,
Sirvate'n zai-a awiin an chiar nghian a,
Hawihte'n siahthing hringin a hual vel e,
Suanglung rem khawm a ngir asin.
2. Sa tin thlunglu an run mawitu,
Chengrang chawiin ral a tlun e thlunglu a khai;
Hrang làm dar an lawm e vangkhua an chuan,
Mi leh sa thlunglu aiin an hlim ngei.
3. Dairial changin piallei a mawi,
Hawilopar tawn a, lunglohtui a dawn hnu-in;
Sai lian hmaisa-in Zingvanzawlah,
Sa kim chhai nen Pawla an pel ta e.
4. Thlafam sakruang an zalhna hmun,
Hrilin dawt leng an than tlaikhua a var mawh e;
Tuiṭhoh lui kam Vanapa zalna hmun,
Chawi ve u aw zaiin mi hrang zalna
Hla phuahtu Chanchin tawi:
He hla phuahtu hi 29th April, 1999-ah Pu Vanlalkunga leh Pi Lalchhuanmawii-te fa ni turin alo piang a. Zirna lamah MA (Mizo) a ni.
Lehkhabu pakhat Khawvel Pahnih tih bu a ziak tawh.