Hnahlan Diamond Jubilee Parlam
By C. Lalthanrengi
 |
| C Lalthanrengi |
I. Chung Pathian Mawlsawm zarah dam ten hlim ni ropui,
Mawi ten a her chhuak ta, kan nghah Diamond Jubilee;
Duhten nau ang nuiin kan awi za a milengten,
Hlimten chawnban vawra sir sawnin kan lam her siau.
Hlim ni ropui Diamond Jubilee kan lawm zaleng zawngten,
Tlang hrang hrang leh mual tin lungduh zaleng zawng nen;
Lungrual te a laitual mawiin kan lam her siau,
Thuam famkim zetial mawi zawng nen.
II. Cham rih ula kar hla lenrual lo pung khawm zawngte,
Tlai khawvar zain i awi ang he hun tawi te;
Lungrual tein kan aw neih zawng leh rimawi zawng nen,
Awi zel ang aw thiam tawk chhuaha hlim zai vawr zain.
III. Tlai tla engah hawi vel ila hawikawm lenrual nen,
A mawi zual e, Lankhawpui leh sumtual zawngte;
A lo phu reng mang e khuarei thleng pawn zaia chawi,
Thang chhuak zel se kan lawm hla van hnuai zaleng zingah.
IV. Aw, Diamond Jubilee, hlim ni ropui min thlentu,
Laitual mawiin thangchhuak zel la zaleng zingah;
Malsawm lo changin, min thlen zel rawh hmatiang sawnna,
Chutin kimten kan lawm ngei ang zaleng nau fa nen.
Hla phuahtu chanchin tawi:
He hla phuahtu C Lalthanrengi hi Pu C Saichhama leh Pi Chalrothluaii-te fa ni turin 16 Jan, 1960-ah a piang a. Fapa pakhat a nei. Govt. Primary School Hnahlan-ah Zirtirtu hna a thawk.
Mi hlim thei tak leh thenrual kawm thiam tak a ni. Thil duh uluk tak leh fel taka tih duh chi a ni. Amah kha mi Advance tak, thil mawi leh changkang, nunphungah pawh changkang hmasa niin; faina leh thianghlimna ngaih pawimawh nachang lo hre hmasa a ni. Chu chu a chhungkua, a pasal leh fanau a enkawlna kawngah a hmuh theih.
19 Oct, 1990-ah a boral.
(Source: C Laltlanzoa S/o C Lalaudinga, Ex Headmaster, Govt. Hnahlan Middle School)