Vawiin Ni 8.7.2025 (Thawhlehni) hian MHIP Day Vawi 51-na chu Hnahlan Branch 4-ten Joint-in Community Hall, Hnahlan-ah an hmang. Member thahnem tak an kal.
CHAWHMA PROGRAMME:
Chawhma hun hi Pi Rongheti, President, Hnahlan South Branch-in hneh takin a hruai a. Pastor V Lalmuanpuia, PCI-in hunserh hmangin Pi Hmingthanzuali, Saron Branch-in thiam takin zaiin mipui a awi a. Pi C.Lalropuii, Secretary, Hnahlan North Branch MHIP hnen atangin Day thuchah chhiar chhuah ngaihthlak a ni. Member boral (Nikum Day atanga kumin Day hma) 13 sunna hun neiin zai mawi tak Pi Lalthanzuali, Hnahlan South Branch hnen atangin ngaihthlak a ni bawk.
Khuallian Tv. C.Lalrintluanga, VCP hnen atangin thusawi ngaihthlak a ni. Pi Zensawmchingi leh Pi Awinemngaii, Hnahlan Darnam Branch hnen atangin fiamthu ngaihnawm tak ngaihthlak a ni bawk.
Branch 4 atangin report ngaihthlak a ni a. Member inchhiarna neiin Hnahlan South Branch- 51, Hnahlan North Branch- 34; Hnahlan Darnam Branch- 28, Hnahlan Saron Branch 6- niin sawm bikte nen mi 116-in he Day hi an hmang.
Pi Ramnunsangi, Hnahlan Block kaihhruainain Thuthlung sawirual a ni a. NGO sawm bikte atangin thu tha tak tak ngaihthlak a ni. Thingpui ruai kilin chawhma hun tihtawp rih a ni.
CHAWHNU PROGRAMME:
Pi Lalroparin a kaihruai a. Malzai intihsiak niin Branch pahnih atangin zai ngaihthlak a ni. Pi Kumtharlawmi, Hnahlan Block Secretary-in Kumpuan thupui 'Ruihlo do' tih thupui hmangin ngaihnawm takin a sawi.
Solo intihsiak chhunzawmin an intihsiakna hla 'Rawlthar tang fan fan' tih hla, Pi Lalsangzuali Sailo (L) hlaphuah chu an thiam hlawm hle.
Hnahlan North Branch atangin Special Item Miss contest hmuhnawm, mak, nuihzatthlak si thlirho a ni.
Hemi zawh hian kum 70 chunglam kalte hnenah thilpek pek an ni a. Hnahlan South Branch atangin Special Item hmuhnawm tak, hlimawm en leh ngaithlak a ni.
Tlaiah ruai hlim tak, tlai taka kilhoin MHIP Day 2025 chu kham lo takin tin a ni.
[MHIP Day hi Ni 6.7.2025 (Pathianni) kha a ni a. General Headquaters atangin mahni remchan huna hmang tura a tih chu nimin khan man tum a ni a, khawtlangah chhiat tawk an awm vangin vawiin Ni 8.7.2025 (Thawhlehni) hian hman a ni].