Saithuama:
Zuamawm hmel a pu a ni ang, a zo a vaiin a ram an chuh fo va. Mahse, misual sualna chunga lungngai tak tak mi, Pathian ko mi niin a lang. Tin, a chanvo neihsak tuma bei te chu an hlawhtling lemlo. A khua chu Murlen a ni.
(Source: Lusei leh a vela hnam dangte chanchin By Vanchhunga, Reprinted 1994, Bethesda Printing Press, Chaltlang)
1931 November Mizo leh Vai Chanchinbu- ah Saithuama hian Rukru chanchin a ziak a. Hemi a lehkha ziakah hian 25 Aug, 1931 zanah an Thingpui huan thlam misualina kawngkhar chhu chhia a, thingrem kilhna tichhe bawk a, Holy Bible a lak thu a sawi. Tin, 1930 Dec khan Awksarala hnena a Sakawr dah chu misualin an ruksak thu a tarlang bawk. He lehkha hi 17th Sept, 1931 khan a ziak a ni.
Vanlalnghina:
Saithuama fapa upa ber dawttu Vanlalnghina hi nupui a neih hma in Sawrkarin a pa ram pum a pe. A khua chu Hnahlan a ni.
(Source: Lusei leh a vela hnam dangte chanchin By Vanchhunga, Reprinted 1994, Bethesda Printing Press, Chaltlang)
North Lushai Primary Examination 1931 ah Champhai Centre atangin Vanlalnghina hi 248 Marks hmu in, Second Division- ah a passed a. Kum 10 mi a ni.
(Source: Mizo leh Vai Chanchinbu, Feb, 1932)