In kang ni thum chhungin In sak zawh sak

Pu Dawngsiankhupa S/o Pu Thangkhenpianga (L) (Pianghlamseia) te In, Hnahlan Vengthlang chu ni 21.1.2021 zing dar 4:00- ah bungraw chuh hman lohin a kang ral.

Pu Dawngsiankhupa hi Tuisaah hnathawkin a riak a. A nupui Pi Lunsiansiangi leh a fapate pahnih kum 4 mi leh thla kaw mi nena an awm lai a ni.

An mu lai chu naute ṭapin nu ber chu a tiharh a. An naute kha khum mawng lamah a lo awm a. "Bawihte, hnute hne rawh aw?" tia a pawt chho chu boruak a lo sa lutuk a. Chutah chuan inkang chu a hre ta chauh a ni.

An mutna room hi kawngkapui aṭanga luha thlang lam chiah a ni. An tap mei hi an mut dawnah pawh a mit vek tawh a. A chhak lam aṭanga kangmei hi chhuak niin Current kalsual nia ngaih a ni. An kawngkapui lam chu a lo sat tawh em avangin kawngkapuia chhuak ngam lovin kawngka thlang tukverh ft.7 vela sangah a naupawm chu a  zuanchhuahpui a, a fapa upa zawk chu a hlang thla leh ta a. Kangmei hi a nasat hman em avangin mipui pawhin an ṭhelhmit thei ta lo.

Sak zawh hnu

In kang tuarte tan vehbur khawn a ni a. Khaw ṭhenawmte aṭangin ṭanpuina pawisa fai leh Buhfaite dawn a ni. Bialtu MLA leh Ex Bialtu MLA hnen aṭangin pawisa fai dawn a ni bawk.