1. Chhaktiang lenkawl turni chhuahna ram,
Ṭiau lui luang nen hâi ang ṭhanna;
Lankhaw perpui mellung kan làm,
Sirtiang sawnin lam kan thai e.
Cho:// Vul reng rawh i than lai bang lo se,
Lungruala lankhawpui hraileng kan lenna hi
Zo nun mawi chawi nung la i parah kan lam e.
2. Ṭuan ṭul vangin hnutiang chhawn mah i,
Thinlaia hlui ngai lo vangkhua;
Panlai nun mawi par ang vulna,
I ngaih zai kan sa bang nem maw.
3. Tlang dang mual hranga leng tawh hnu kha,
Lam ang let e vang khawpuiah
Vanglai par mawi chenna hmun ngei,
Vul zel ang che aw Lankhawpui
Hla phuahtu Chanchin tawi:
He hla phuahtu hi 29th April, 1999-ah Pu Vanlalkunga leh Pi Lalchhuanmawii-te fa ni turin alo piang a. Zirna lamah MA (Mizo) a ni. Tunah hian Govt. Hnahlan High School (Upgraded for XII Science and Commerce)-ah Arts Lecturer niin a thawk mek.
Lehkhabu pakhat Khawvel Pahnih tih bu a ziak tawh.
He hla satu hi Esther Zonunthari niin Pu Lalhmuchhuaka leh Pi Kumtharlawmite fa tlum ber a ni a, tunah hian Tlangnuam Veng, Hnahlanah an khawsa mek a ni.