Adviser to CM (Technical) leh Champhai North bialtu MLA ni bawk Er. H. Ginzalala chuan Vawiin khan Hnahlan PHC-a hman tur Ambulance leh oxygen bur hnih Power Grid Corporation of India Limited-ten CSR fund hmanga an pek chu a hlan.
MLA Er. H. Ginzalala chuan thu sawiin Hnahlan leh a chhehvel khuaten Power Grid Corporation of India Ltd.-te kal tlanga Hnahlan PHC hman tur Ambulance leh Oxygen bur an dawng thei hi lawmawm a tih thu a sawi. Hnahlan leh a chhehvel khuaah mihring an lo pun zel avang leh Hnahlan khua hi ramri a awm a nih angin damlo tam tak tlan khawmna hmun a nih avangin Healthcare infrustructure tih changtlun a tul thu a sawi. Chet sualna tawk te, Nu nau nei leh damdawiin lian zawk pan ngaiten hmanhmawh thil thuah District Hospital leh damdawiin lian zawk an inphurh thlen zung zung theih nan tangkai taka an hman a duhsak thu a tarlang bawk.He hunah hian Hnahlan PHC-a thawktu te, Power Grid aiawh te, khawtlang hruaitu te leh khawtlang mite telin, Hnahlan PHC Medical officer Dr. Vanlalpeka PL Pachuau leh Power Grid aiawh ten thusawina hun an nei bawk.
Thu lakna: DIPR
