Dated Hnahlan, the 22nd October 2026: Vawiin khan Chief Minister Pu Lalduhoma chuan Hnahlan Darnam venga Tribal Affairs fund Rs. 75 Lakh hmanga sak Multi Purpose Hall a hawng.
.jpeg)
Thusawiin Chief Minister chuan, Hnahlan hi hun rei tak ka lo khawsak tawhna khua, mahni khua ang maia ka ngaih a ni a. Ka lung pawh a tileng thin hle. Vawiinah rawn kal lehna remchang ka nei hi ka lawm hle a ni, a ti.
Kan hall hawn thar tual hi vaivut a la nih avangin thalah a khu ang a, furah a diak dawn a. Chuvang chuan a tual PCC na tur Rs. 4 lakh kan pe ang che u.
Hnahlan High School leh Higher Secondary School zirlaite Hostel sak nan Rs. 50 lakh pek che u kan tum ang a. Eklavya Residential School tuna Mizorama kan sak mekte hi an zawh a, a dang kan hmu leh thei a nih chuan Hnahlana dah kan tum ve bawk dawn nia, a ti.
Sorkarna an chelh hnua Hnahlan leh a chhehve khuate tana sorkarin hmasawnna hna a thawh tlangpuite a tarlang a, chungte chu:
Hnathawh zawh tawh te:
1. Vawiina hawn Hnahlan Multi-Purpose Hall – 75 Lakhs
2. Govt. Hnahlan Middle School Staff Quarters – 55 Lakhs
3. Sub-Centre building at Hnahlan – 50 lakhs
4. PHE SDO dah thar (Post created in 2008)
5. Hnahlan PHC-a X-Ray Machine - Bialtu MLA in a fund atanga a pek a ni a, a function nghal a ni)
6. Hnahlan Higher Secondary School Lump Sum Grant in Aid Special Category 2-a hlan kai.
7. Hnahlan English Medium School (HEMS) chu LUMPSUM Grade ‘A’ a hlan kai a ni.
8. Selam Agriculture Warehouse – 60 Lakhs.
Hna thawh mek te:
1. Hnahlan - Laili phai kawng link road/ PCC flooring – 98 Lakhs
2. Fodder Plantation at Laili phai – 62 Lakhs
3. Selam to Kawlbem & Lungphunlian to Khuangphah road thawh mek – 5.7 Crore
5. N. Diltlang Tanky Repair and maintenance – 25 lakhs
6. Selam Nauzuar zau PCC Flooring/ Culvert – 38 lakhs
Hnathawh tura ruahmanna awm mek te:
1. Hnahlan PHC Technician Building – 48 lakhs
2. Govt. Hnahlan Primary School - I building Major Repair – 75 lakhs (tender tura hma lak mek a ni)
3. Hnahlan Senior Secondary School - Science and Commerce building Under Samagra – 215 lakhs (tender chhuah mek a ni)
4. Khuangphah Sub-Center Building sak mai tur – 55 lakhs
5. Murlen Govt. Middle School Building new construction – 75 lakhs (tender tura hma lak mek a ni)
6. Khuangphah Govt. Primary School Building - new construction – 75 lakhs (tender tura hma lak mek a ni)
7. Govt. Pamchung Middle School Building - New Construction (tender chhuah mek a ni) te an ni.
Bialtu MLA Er. H. Ginzalala pawhin thu sawiin Chief Minister-in Multi Purpose Hall a hawnsak avangin lawmthu a sawi a. Hman ni lawkah ka bial Ngaizawlah hun min hmanpui tawh a. Vawiinah Hnahlan min rawn tlawh leh hian Champhai North bial min ngaihsakzia a tilang a ni, a ti. Chief Minister-in a tarlan bak a bial chhunga hmasawnna leh eizawnna lama hma an lakte dangte pawh a tarlang a ni.
A lawmna inkhawm hi Pu C. Lalrintluanga, VCP Hnahlanin a kaihruai a, Rev. Lalmuanpuian hunserh a hmang a, Pu K. Lalchungnungan kalkhawmte lawmna thu a sawi a. Pu C. Lalmuanpuia, President, Jt. YMA Hnahlan chuan lawmthu sawiin inkhawm a khar a ni.
Chief Minister hi Pi Vanlalpari vawk vulhna hmun HH Piggery a tlawh nghal a. Pi Vanlalpari hian Handholding Loan Component Rs. 25 Lakh Mizoram Rural Bank kaltlanga an hmuh vanga lawmthu sawi nan Chief Minister hnenah hian CM RF atan a vawk vulh lai pakhat a lo pe a. Vawk pek hi a lo vulh chhunzawm ang a, a hralh hunah a man zawng zawng hi Chief Minister Relief Fund-ah a chhunglut dawn a ni.
Tlai lamah Chief Minister hian Hnahlan Winery a tlawh bawk a ni.
